Eksakte metodar for analyse av 2x2 tabellar

Abstract

Dei fleste matematisk-statistiske metodane som er utvikla til analyse av tabellar, byggjer på føresetnader om at talet på observasjonar i cellene er "stort". Haldorsen (1977a) og (1977b) omtalar metodar som kviler på dette kravet. I denne rapporten skal vi, for ulike hypotesar i ein 2x2-tabell, presentere eksakte testmetodar, dvs. metodar som ikkje krev at talet på observasjonar i cellene er "stort". Fisher-Irwins test er eit spesialtilfelle av vårt resultat. Den blir nytta til å vurdere uavhengigheit eller homogenitet i 2x2-tabellar. Fisher-Irwins test har optimale eigenskapar. Tilsvarande eigenskapar har dei ulike metodane som blir presenterte i denne rapporten.